Sérfræðingur landupplýsinga
Laust er til umsóknar starf sérfræðings á fagsviði landupplýsinga hjá Landmælingum Íslands. Mikilvægi landupplýsinga eykst stöðugt og vantar okkur reynslumikinn og áhugasaman einstakling sem er tilbúinn til að taka þátt í þróun á nýjungum á því sviði. Viðkomandi þarf að hafa reynslu af verkefnastjórn á sviði öflunar og samtenginga landupplýsinga og hafa góða þekkingu á vinnslu þeirra.
Helstu verkefni og ábyrgð
- Vinna við gerð og viðhald landfræðilegra gagnagrunna um Ísland
- Leiða vinnu við uppfærslu landupplýsinga í samstarfi við fagstjóra
- Mikil samskipti við notendur gagna og ábyrgðaraðila
- Öflun gagna með fjölbreyttum aðferðum
- Innleiðing á lausnum byggðum á opnum hugbúnaði
Hæfniskröfur
- Háskólamenntun á sviði raunvísinda eða annarra greina sem nýtist í starfi
- Góð þekking á notkun landupplýsingakerfa, einkum QGIS og ArcGis
- Þekking á OGC vefþjónustum og stöðlum er kostur
- Góð hæfni í mannlegum samskiptum og skipulögðum vinnubrögðum
- Frumkvæði, sjálfstæði og nákvæmni í starfi
- Gott vald á íslensku er kostur
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Öllum umsóknum verður svarað þegar ákvörðun um ráðningu hefur verið tekin. Gert er ráð fyrir að ráðið verði í starfið frá og með 1. febrúar 2023. Hjá stofnuninni er fjarvinnustefna og eru talsverð tækifæri til fjarvinnu.
Landmælingar Íslands eru 22 manna ríkisstofnun staðsett á Akranesi. Meginhlutverk stofnunarinnar er að sinna landmælingum, vinnslu og miðlun landupplýsinga og leiða uppbyggingu grunngerðar fyrir stafrænar landupplýsingar á Íslandi.
Starfshlutfall er 100%
Umsóknarfrestur er til og með 10.01.2023
Nánari upplýsingar veitir
Jóhanna Hugrún Hallsdóttir - johanna@lmi.is - 8615890