Fara í efni

Loftslags- og samgöngustefna Landmælinga Íslands

Áherslur og markmið í Loftslags- og samgöngustefnu

Landmælingar Íslands vilja vera til fyrirmyndar, sýna gott fordæmi í loftslags- og samgöngumálum og stuðla að sjálfbærni og betri árangri í daglegum rekstri. Stofnunin vill leggja sitt af mörkum til að bæta umhverfið og um leið heilsu starfsfólks.

Markmið loftslags- og samgöngustefnu Landmælinga Íslands er að draga markvisst úr áhrifum vegna losunar gróðurhúsalofttegunda. Stefnt er að því að velja vistvæna valkosti við kaup á þjónustu og flutningi og að starfsfólk LMÍ velji heilsusamlega, vistvæna og hagkvæma ferðamáta. Stofnunin verði kolefnishlutlaus fyrir árið 2030.

Framkvæmd

Ferðamáti
  • Landmælingar Íslands hvetja starfsfólk sem býr á Akranesi til að ganga eða hjóla til og frá vinnu.
  • Landmælingar Íslands hvetja starfsfólk sem býr utan Akraness til að ganga, hjóla eða nota almenningssamgöngur til og frá þeim stað þar sem bifreið Landmælinga er staðsett til aksturs á Akranes. Það sama á við ef farið er með strætisvagni til og frá Akranesi.
  • Stofnunin hvetur starfsfólk til að samnýta ferðir á vinnutíma eins og kostur er.
  • Stofnunin mun eingöngu kaupa vistvænar bifreiðar. **
  • Þegar pantaðir eru leigu- eða bílaleigubílar eða þegar notast er við hópferðabíla skal óskað eftir vistvænum bílum.
  • Starfsfólk er hvatt til að tileinka sér vistakstur.
Fundir og ferðir á milli svæða
  • Starfsfólk fer gangandi eða hjólandi á fundi ef ferðin tekur 10 mínútur eða skemur.
  • Starfsfólk notar vistvæna bíla í eigu stofnunarinnar eða strætisvagna til að fara á fundi utan Akraness eins og kostur er.
  • Landmælingar Íslands hvetja starfsfólk til að nýta síma- og fjarfundi eins og kostur er.
Aðstaða
  • Landmælingar Íslands tryggja aðstöðu á vinnustað fyrir þá sem hjóla eða ganga til vinnu.
  • Unnið verði að því að koma upp hleðslustöðvum fyrir rafbíla á bílastæði Stillholts 16-18 í samvinnu við húsfélagið.
  • Stefnt er að fyrstu skrefum í hjólavottun.
  • Landmælingar Íslands hafa sett sér stefnu í til þess að minnka kolefnisspor og álag á samgöngur.
Innkaup
  • Við kaup á vöru og þjónustu skal leitast við að skipta við fyrirtæki í nærumhverfinu til að takmarka flutning og ferðalög.
  • Starfsfólk er hvatt til þess að nýta ferðir starfsfólks við flutning á vörum milli svæða.
  • Starfsfólk er hvatt til þess að huga að kolefnisspori stofnunarinnar við val á ferðum sínum innanlands og erlendis s.s. með því að samnýta ferðir.
Eftirfylgni

Loftslags- og samgöngustefnu Landmælinga Íslands skal fylgt eftir með aðgerðaáætlun til eins árs í senn. Í aðgerðaáætluninni eru tilgreindar áherslur og aðgerðir, þeim forgangsraðað og ábyrgðaraðilar tilgreindir.

Endurskoða skal stefnuna á þriggja ára fresti eða oftar ef tilefni er til.