Örnefni hafa m.a. verið skráð í Borgarbyggð.

Á niðurhalssíðu Landmælinga Íslands er komin ný útgáfa fjögurra gagnalaga af átta í IS 50V. Um er að ræða uppfærslu á örnefnum, mannvirkjum mörkum og samgöngum. Breytingar er mismiklar eftir lögum en flestar breytingar eru í örnefnalaginu og er það eina lagið þar sem  stöðugt er unnið að uppfærslum. Frá síðustu útgáfu hefur verið skráð töluvert af örnefnum í Borgarbyggð, Dalabyggð, Reykhólahreppi, Árneshreppi, Sveitarfélaginu Skagafirði, Eyjafjarðarsveit, Þingeyjarsveit, Norðurþingi, Fljótsdalshreppi, Sveitarfélaginu Hornafirði og Rangárþingi ytra. Fjöldi örnefna í grunninum er nú tæplega 120 þúsund.

Í markalaginu voru gerðar breytingar á sveitarfélagamörkunum (línur og flákar), Breiðdalshreppur sameinaðist Fjarðarbyggð (gildistaka maí 2018) og Garður og Sandgerðisbær sameinuðust (gildistaka júní 2018). Ekki er komið nafn á sveitarfélagið en til bráðabirgða er notast við heitið „Sameinað sveitarfélag Garðs og Sandgerðis“. Sveitarfélög landsins eru nú 72 talsins og til gaman má geta þess að í fyrstu útgáfu IS 50V sem kom út í lok árs 2003 voru sveitarfélögin 104. Á 15 árum hefur sveitarfélögum því fækkað um 32. Vegna breytinga á reglugerð um heilbrigðisumdæmi (2016) breyttist lagið aðeins í heilbrigðisumdæmi höfuðborgarsvæðisins og Suðurlands. Önnur lög eru óbreytt.

Í mannvirkjum voru gerðar breytingar og leiðréttingar í punktalaginu. Lagið er einnig uppfært að nýrri fitjuskrá, helstu breytingar eru að skálar eru aðgreindir frá sumarhúsum og vitar fá sérflokk. Nú eru um 23.200  mannvirki í laginu. Nýjar upplýsingar um íbúafjölda frá Hagstofunni eru komnar í flákalagið og einnig voru smávæginlegar breytingar gerðar.

Vegalagið breyttist í samgöngulaginu, þar sem  nýir vegir frá Vegagerðinni voru settir inn. Einnig voru ýmsar leiðréttingar gerðar, þá hefur vegayfirborðið verið endurskoðað og eigindataflan yfirfarin en það eru t.d. alltaf einhverjar breytingar á vegnúmerum. Flákalagið (flugvellir) er hins vegar óbreytt.

Hægt er að sjá lýsigögn um IS 50V í landupplýsingagátt Landmælinga Íslands.
Einnig er hægt að nálgast IS 50V í gegnum wms og wfs þjónustur,

Ársskýrslan er gefin út á rafrænu formi og er aðgengileg hér á vef stofnunarinnar.

Markmið með vefnum er að auðvelda notendum landfræðilegra gagna að finna upplýsingar um kort, loftmyndir og gervitunglagögn af Íslandi í gegnum eina vefgátt á netinu. Sterk tengsl eru við vefgáttina  landakort.is sem Þorvaldur hefur haldið úti frá árinu 2007, með megináherslu á að veita beinan aðgang á einum stað að sem flestum íslenskum kortasjám.

Á myndinni eru fyrirlesarar og fundarstjóri, frá vinstri: Steinunn Gunnarsdóttir, Magnús Guðmundsson, Hafliði Sigtryggur Magnússon, Árni Geirsson, Eydís Líndal Finnbogadóttir, Björn Barkarson og Anna Guðrún Ahlbrecht.

Landmælingar Íslands stóðu fyrir morgunverðarfundi um grunngerð landupplýsinga þann 23. maí síðastliðinn á Grand Hótel. Fundurinn var hugsaður fyrir alla sem vinna með landupplýsingar. Þátttaka var mikilvægur liður í samstarfi um grunngerð fyrir stafrænar landupplýsingar, en fundurinn var einnig tekin upp og er hægt að horfa á öll erindi og skoða glærur HÉR.

Frá undirritun yfirlýsingarinnar. Myndin er fengin að láni á vef UAR.

Í gær, 25. maí 2018 undirrituðu forstöðumenn stofnana umhverfis- og auðlindaráðuneytisins yfirlýsingu um að setja loftslagsmarkmið fyrir stofnanirnar. Munu markmiðin miða að samdrætti í losun gróðurhúsalofttegunda og að starfsemi stofnananna verði kolefnishlutlaus. Í yfirlýsingunni kemur fram að stofnanirnar muni kortleggja losun frá starfsemi sinni, setja markmið um samdrátt í losun og birta árlega skýrslu um framgang og árangur. Frá þessu er sagt í frétt á vef umhverfis- og auðlindaráðuneytisins. 

14. og 15. maí fór fram samstarfsfundur norræna staðlahópsins og fór hann í þetta skipti fram hér á landi. Á fundinum voru 15 aðilar frá ýmsum skandinavískum stofnunum sem tengjast staðla verkefnum. Fundurinn var áhugaverður en mikil aukning á notkun landupplýsinga hefur kallað á auknar áherslur í gerð staðla á því sviði hvort sem er innan ISO, CEN, OGC, IHO eða W3C svo einhverjir séu nefndir.  

    Meðfylgjandi mynd var tekin af fundarmönnum norræna staðlahópsins í hinu hefðbundna vor veðri á Íslandi sól og vindi.

Á fundi með stjórnendum Landmælinga Íslands þeim Magnúsi Guðmundssyni forstjóra, Eydísi Líndal Finnbogadóttur forstöðumanni og Gunnari H. Kristinssyni forstöðumanni fékk ráðherra og gestir kynningu á starfseminni, áherslum og miklvægum grunnverkefnum til næstu ára á sviði grunnkortagerðar, landmælinga og grunngerðar landupplýsinga.

Þá heilsaði ráðherra upp á starfsfólk stofnunarinnar og fékk kynningu á ýmsum verkefnum s.s. skráningu örnefna, kortagerð vegna náttúruverndar, miðlun gjaldfrjálsra opinberra landupplýsinga, rekstur hnita- og hæðarkerfis Íslands, gerð nákvæmra hæðarlíkana og um kortlagningu landbreytingar.

Að lokum hitti ráðherra alla starfsmenn í fundarsal og fór yfir áherslumál sín og ríkisstjórnarinnar á sviði umhverfis- og auðlindamála þar sem loftslagsmál, ferðamál og náttúruvernd munu skipa stóran sess.

Fulltrúar fyrirmyndarstofnana 2018.

Niðurstöður úr könnuninni Stofnun ársins 2018, sem SFR – stéttarfélag í almannaþjónustu og fjármála- og efnahagsráðuneytið standa fyrir, voru kynntar við hátíðlega athöfn á Hilton Nordica hótelinu þann 9. maí. Í flokki meðalstórra stofnana voru Landmælingar Íslands í 5. sæti og raða sér þar með meðal fyrirmyndarstofnana árið 2018. Könnunin er ein viðamesta könnun á vinnuumhverfi hjá íslenskum stofnunum en starfsmenn Landmælingar Íslands hafa frá upphafi hennar tekið þátt og hefur stofnunin ávallt verið meðal þeirra efstu.

Hjá Landmælingum Íslands lögð áhersla á að starfsumhverfið sé aðlaðandi og fjölskylduvænt, einnig að fagleg þekking, starfsþróun, sveigjanleiki og hvatning séu ríkjandi. Þá hefur stofnunin fengið jafnlaunavottun og unnið er samkvæmt grænum skrefum í opinberum rekstri. Sú góða einkunn sem starfsmenn gefa vinnustað sínum ber vott um góða stjórnun, góðan starfsanda og að stefnum og markmiðum í mannauðsmálum sé fylgt eftir.