Fluglínur loftmyndatöku

Nú er mögulegt að skoða fluglínur loftmyndatöku LMÍ.  Flokkunarkerfið byggir á ákveðnum þáttum.  Unnið eftir blaðskiptingu Atlaskortanna og er hægt að skoða yfirlitsmyndir skv. þeim hér að neðan.  Í vinstra horni uppi á hverri mynd er svo myndflokksnúmer og ártal sem segir til um hvenær myndin var tekin, t.d. A1964.  Hægt er að fletta yfirlitsmyndunum og eru þær í tímaröð.

Við töku loftmynda er flogið eftir s.k. fluglínum.  Til að finna út hvort mynd sé til af því svæði sem áhugi er á er hægt að sjá hvort fluglína liggi yfir eða nærri þeim stað en mynd nær í flestum tilfellum um 4 km út frá fluglínu.  Við upphaf og enda hverrar fluglínu eru skráð myndanúmer og þannig á að vera hægt að finna nokkurn veginn það myndnúmer sem áhugi er á.  Á fluglínunni er einnig tala sem sýnir flughæð og ef á fluglínunni eru svigatákn ( ) er líklegt að einhver ský séu á myndunum af því svæði.